有日有個男仔嚟到睇醫生，一直都好平安好正常～到我出藥時:呢包係止暈止嘔，有暈有嘔可以加埋嚟食，冇事就可以唔食～
佢:見暈先食呀？
我:你覺得有暈就可以食咗先㗎啦～
佢:食完就唔暈？
我:嗯，冇暈就可以唔食～
佢:咁係暈咗之後先食？
我:唔係暈低咗之後先食呀，係你覺得個人暈暈哋嗰陣就好食啦～明唔明啊？
佢:姑娘你講到好難明！
我都俾你搞到我頭暈暈羅拔臣啦！
我:一係你照食啦，一日食四次啦～
佢發爛渣:咁即係食定唔食呀？
可食可唔食呀！忽you！
我:你知自己暈吓暈吓咁咪可以食一粒～如果你自己唔知自己有冇暈嘅感覺，咪跟時間食…
佢又發爛:你揸定宗旨未？
中指喺度！嗱～你係咪要我舉俾你睇呀？一舉就世界大戰㗎啦！
我:你見暈就食啦～好冇？
佢:我暈得嚟就瞓低咗啦，仲點食呀？
我:…你係咪眼瞓咋？
佢:暈唔係瞓低唔通企喺度暈呀？
我:你頭先同醫生講你係有啲頭暈嘛，點解你仲企到喺度嘅？
佢:有啲頭暈又唔係暈到要瞓低！啲啲咋嘛！
我:咁你覺得有啲啲暈嗰時就食粒止暈丸先～
佢:你真係九唔搭柒！是但啦！食咪食囉！食多咗冇壞㗎嘛？
我:一日食四次好啦！
佢:而家都七點啦，今日食唔到四次呀，瞓緊要唔要食呀？
我:你瞓緊都覺得暈就食啦…
佢嫌我煩，拉長哂啲語氣:即係食～唔～食呀？
我:你食埋啦！
佢:一時一樣！
我都見頭暈呀大佬～～
Search